LA STELA DEL SOLDÀ

 

Fin che la note se vestiva
el vento sussurava a le stele
le paroe pì segrete e bele,
anca i pensieri de un soldà
che dentro ‘na trincea jera intabarà:
le man infassae par via dele vessighe,
parchè visto un so conpagno cadire in tera,
al nemico che lo ga copà
el ghe ga dato col fusie, orbo dala còlera,
ciapà par la cana che gavea pena sparà.
Nol vedeva pì par lu un destin
ansi, dire a verità sto poro alpin
scriveva ‘na letera a la so bela
pregando ‘na stela
de portare el sentimento de sto inamorà
nel core dela tosa, quando la morte lo inbrassarà,
par assarghe el valore del so bel soldà.
 

 Alp.Stefano Zaramella – Gruppo Alpini di Villa del Conte